لە درێژەی یارییەکانی قۆناغی کۆمەڵەکانی جامی نەتەوەکانی ئەوروپا، هەڵبژاردەی سلۆڤینیا بەرامبەر دانیمارک یاریکرد.
لە ئەنجامدا یارییەکە بە یەکسانی و بە گۆڵێک بۆ هەردوو هەڵبژاردە کۆتاییهات.
لە تایمی یەکەمدا هەردوولا ئاستێکی مامناوەندیان پێشکەش کرد ، لە هەلێکدا لە خولەکی 17 کریستیان ئێرکسن گۆڵی پێشکەوتنی هەڵبژاردەی دانیمارکی تۆمارکرد، دوای چەندین هەوڵی هەردوو لا، ئەو تایمە بەو شێوەیە مایەوە.
لە تایمی دووەم هەڵبژاردەی سلۆڤینیا چەندین گۆڕانکاریان ئەنجامدا بۆ تۆمارکردنی گۆڵ، ئەوەبوو لە خولەکی 77 ئێریک جانزا توانی گۆڵی یەکسانی هەڵبژاردەکەی تۆماربکات.