ئەمڕۆ یەکشەممە 23ـی حوزەیرانی 2024، ئەنجوومەنی باڵای دادوەری بڕیاریدا کە دەوامی فەرمی لە بەشەکانی ئەنجوومەن و دادگاکان و دامەزراوەی دادوەریدا کەم بکاتەوە.
ئەنجوومەنەکە لە بەیاننامەیەکدا ڕایگەیاندووە، بە پشتبەستن بە بڕگەکانی ماددەی 67ـی یاسای ڕێکخستنی دادوەری ژمارە 160ـی ساڵی 1979 و ماددەی 311ـی یاسای ڕێکاری مەدەنی ژمارە 83ـی ساڵی 1969، بڕیار دراوە کاتی دەوامی فەرمی لە بەشەکانی ئەنجوومەن و دادگاکان و پەیمانگای دادوەری کەم بکرێتەوە لە کاتژمێر 7:30 خولەکی بەیانی تا کاتژمێر 1ـی نیوەڕۆ.
ئاماژەی بەوەشکردووە، ماوەی کەم کردنەوەی دەوامی فەرمی لە 23-6-2024 تاوەکو 29-8-2024 بەردەوام دەبێت، ئەمەش بەهۆی بەرزبوونەوەی پلەکانی گەرمایە.
لە لایەکی دیکەوە دەستەی کەشناسی عێراق ڕایگەیاند، پلەی گەرما بۆ سبەی دووشەممە لە پارێزگای بەسرا بەرزدەبێتەوە بۆ 49 پلەی سیلیزی.
ئا:ج
