ڕوانگەی سووریا بۆ مافی مرۆڤ بڵاوی‌کردەوە، هێزی هاوپەیامانیی نێودوڵەتی درۆنەکیان لە ئاسمانی گوندی حوجەی سەر بە شارۆچکەی “بسیرە” لە خۆرهاڵاتی دێرەزۆر خستووەتە خوارەوە.
بە پێی هەواڵی ڕوانگەی سووریا، ئەم درۆنە سەر بە چەکدارانی لایەنگری ئێران بووە و بە درۆنی چاودێریی هاوپەیمانان هەستی پێ‌کراوە و خراوەتە خوارەوە.
پارێزگای دیرەزۆری سووریا لە خۆرهەڵاتی ئەم وڵاتە کەوتووتە سەر سنووری عێراق. شارۆچکەی ئەلبووکەمال شوێنی نیشتەجێ‌بوونی گروپە چەکدارە عێراقیەکانی سەر بە ئێرانیش کەوتووەتە خۆرهەڵاتی پارێزگای دێرەزۆر.