ئه‌ڤرۆ رێكه‌فتێ ٢٧ـێ خزیرانا ٢٠٢٤ـێ ” ماجد سه‌ید سالح” جێگرێ پارێزگارێ دهوكێ پێشوازی ل” د.نوری سه‌عید” سه‌روكێ رێكخراوا “بورسیبا Borsiba “یا نێڤده‌وله‌تی ل جنێف و “د.ئه‌ڤراسیاب موسا” رێڤه‌به‌رێ گشتیێ ساخله‌میا پارێزگه‌ها دهوكێ و نوێنه‌رێ وه‌زاره‌تا نافخو كر.
د رونشتنه‌كێدا رێكخراوا ناڤبری ب هه‌ڤکاریا وه‌زاره‌تا نافخۆ ئاماده‌ییاخۆ بۆ هاریكاریكرنا كه‌رتێ ساخله‌میێ و پێشڤه‌چونا سه‌نته‌ر و نه‌خوشخانێن ده‌ڤه‌رێ نیشاندا.
جێگرێ پارێزگاری بناڤێ پارێزگارێ دهوكێ بخێرهاتنا رێكخراوا ناڤبری كر و سوپاسیا كار و بزاڤێن وان د بوارێ ناڤبری و بوارێن په‌روه‌ردێ و ئاڤێ دا کر، گوت ئیدارا پارێزگه‌هێ رێپێده‌ره و پالپشته و پشته‌ڤانه بو هه‌ر رێكخراوه‌كا د بوارێن خزمه‌تگوزاریێن جوراوجوردا كار دكه‌ت كو وه‌لاتیێن مه پێ سودمه‌ند ببن.