عەلی بابا بە ژەمێکی سوک دادەنرێت کە دەتوانرێت هەمو ڕۆژێک بخورێت و سوودێکی زۆری بۆ تەندروستی هەیە، بەمەرجێک زیادەڕەوی لە خواردنیدا نەکرێت.
عەلی بابا دەوڵەمەندە بە پڕۆتین، چەوری و ڕیشاڵەکان یارمەتی دابەزینی کۆلیستڕۆڵی خراپ دەدات، یارمەتی تەندروستی دڵ و ڕێکخستنی ڕێژەی شەکری خوێن دەدات، بەهۆی بوونی ڕێژەیەکی زۆر لە ڕیشاڵەکان ئەگەر بەڕێژەیەکی گونجاو بخورێت یارمەتی دابەزاندنی کێش دەدات.
لەگەڵ ئەوانەشدا ئەگەر زیادەڕەوی لە خواردنیدا بکرێت ئەم زیانانەی بۆ تەندروستی دەبێت:
-هەندێک کەس هەستیاریان بە جۆرێک لە چەرەسات هەیە وەک عەلی بابا کە دەبێتە هۆی دروستبوونی پەڵەی سوور لەسەر پێست، هەناسەتەنگی، کێشەکانی هەرس و گیرانی لوت.
-زیادەڕەویکردن لە خواردنیدا هۆکارێکە بۆ تێکچوونی کرداری هەرس و گەدە و کە دەبێتە هۆی قەبزی، سکچوون، ئاوسانی سک و غازات.
-ئەگەر ڕێژەیەکی زۆری لێبخورێت دەبێتە هۆی زیادبوونی کێش.