ئێڤاریا ئه‌ڤرو رێكه‌فتی ٢ـی تیرمه‌ها ٢٠٢٤ـێ ب ئاماده‌بونا به‌رێزان” ماجد سه‌ید سالح” نوینه‌رێ پارێزگارێ دهوكێ و ” مه‌ده‌ن گوپال ” كونسولێ گشتیێ هندستانێ ل هه‌ولێرێ , كونسولخانا وه‌لاتێ هندستانێ بهه‌فكاری دگه‌ل رێڤه‌به‌ریا لاوان ل پارێزگه‌ها دهوكێ بهه‌لكه‌فتا ده‌هه‌مین روژا جیهانی یا یوگایێ ئاهه‌نكه‌ك سازكر
نونه‌رێ پارێزگارێ دهوكێ بناڤێ به‌رێز پارێزگارێ دهوكێ د په‌یڤه‌كێدا بخێرهاتنا كونسولێ وه‌لاتێ هندستانێ كر و گوت خوشحالین ئه‌ڤرو ئه‌م به‌شدارین د ئه‌ڤێ هه‌لكه‌فتێدا و ل هه‌رێما كوردستانێ ژی وه‌كو هه‌می وه‌لاتان ئه‌ڤ روژه دهێنه ساخكرن و ئه‌ڤ چالاكیێن هه‌ڤبه‌ش په‌یوه‌ندی و هه‌ڤاله‌تی و دوستایه‌تیا هه‌رێما كوردستانێ و وه‌لاتێ هندستانێ د سه‌لمینن و ژلایێ خوڤه كونسولێ گشتی هندستانێ ژی خوشحالیاخو ب چالاكیا هه‌ڤبه‌ش ده‌ربری و دادیاركرن یوگا جوره وه‌زشه‌كا و هونه‌ره‌كێ ئارامكه‌ره هه‌ستێن مروڤی و شیانێن مروڤی و مێشكێ مروڤی ئارام و خورت دكه‌ت.
