لە دوا یاریی قۆناغی 16ی جامی یۆرۆ، هەردوو هەڵبژاردەی نەمسا و تورکیا ڕووبەڕووی یەکتر بوونەوە.
لە ئەنجامدا هەڵبژاردەی تورکیا توانی یارییەکە بە دوو گۆڵی بێبەرامبەر شکست بە نەمسا بهێنێت.
هەر لە سەرەتای گێمی یەکەمدا و لە خولەکی یەکدا مێری دەمیرال گۆڵی یەکەمی تورکیای تۆمارکرد، دوای ئەوە هەردوو هەڵبژاردە بەردەوامبوون لە فشارەکانیان بۆ سەر گۆڵی یەکتر، بەڵام هیچکامیان سەرکەوتوونەبوون و ئەو گێمە بەو شێوەیە مایەوە.
لە گێمی دووەمدا، هەردوو لا چەندین گۆڕانکاریان بە یاریزانەکانی کرد، تا لە خولەکی 59دا دەمیرال گۆڵی دووەمی خۆی و هەڵبژاردەکەی تۆمارکرد،
لە خولەکی 66 دا میشێل گریگۆریچ گۆڵێکی بۆ نەمسا تۆمارکرد،دوای ئەوە چەندین هەوڵی تر درا بەڵام یارییەکە بەو شێوەیە کۆتاییهات.
بەم ئەنجامە، هەڵبژاردەی تورکیا گەیشتە قۆناغی داهاتوو و ڕووبەڕووی هۆڵەندا دەبێتەوە، نەمساش ماڵئاوایی لە جامەکە کرد.