لە هۆڵی چالاكیی قوتابخانەكان، رێوڕەسمی رێزلێنانی لە هونەرمەند مەجید خۆشناو بەڕێوەچوو.
رێوڕەسمەکە بە ئامادەبوونی ئومێد خۆشناو، پارێزگاری هەولێر و فەرهەنگ غەفوور، بەڕێوەبەری گشتی رۆشنبیری و هونەری هەولێر و ژمارەیەك لە بەرپرسانی حكومی و هونەرمەندان و رۆشنبیران بەڕێوەچوو.
لە رێوڕەسمەكەدا، وێڕای خوێندنەوەی وتارەكان، پانۆرامایەك لە ژیان و بەخششە هونەرییەكانی هونەرمەند مەجید خۆشناو پێشكەشكرا.
دواتر پارێزگاری هەولێر و بەڕێوەبەری گشتی رۆشنبیری و هونەری هەولێر و بەڕێوەبەری چالاكی قوتابخانەكان رێزلێنانیان بە هونەرمەند بەخشی و بەشێك لە بەرپرس و هونەرمەندانیش گوڵی رێز و وەفایان پێ بەخشی.
