- بەڕێوەبەری گشتیی بازرگانیی هەرێمی کوردستان رایگەیاند، حکومەتی عێراق، بڕی 10 ملیار دیناری دیکەی پارەی گەنمی جووتیارانی ناردووە و ئەم هەفتەیە دابەشدەکرێت.
نەوزاد شێخ کامیل، بەڕێوەبەری گشتیی بازرگانیی هەرێمی کوردستان ڕایگەیاند، بەغدا بڕی 10 ملیار دیناری دیکەی پارەی گەنمی جووتیارانی ناردووە کە پێنج ملیاری بۆ سلێمانییە و سێ ملیاری بۆ هەولێر و دوو ملیار دیناریشی بۆ پارێزگای دهۆکە.
هەروەها ئاماژەی بەوەشکرد، ئەمساڵ تاوەکو ئێستا 70 ملیار دینار بۆ پارەی گەنمی جووتیاران نێردراوە و پارەی دیکەش دەگات و ناردنی پارە بەردەوام دەبێت.