لقی دیاربەکری کۆمەڵەی مافی مرۆڤ بڵاوی کردەوە، لە ماوەی شەش مانگدا زیاتر لە سێ هەزار و 895 پێشێلکاری لە بەشی باکوری کوردستان تۆمار کراوە.
ڕومەیسا دەنیز کایا، جێگری کۆمەڵەی مافی مرۆڤ، ڕاپۆرتی شەش مانگ پێشێلکاری ئاشکرا کرد و ڕایگەیاندووە، هەموو پێشێلکارییەکان بەهۆی پرسی چارەسەرنەکراویی کوردەوە دەکرێن.
بەپێی ڕاپۆرتەکە، لە باکووری کوردستان هەزار و 164 کەس بەهۆی دەربڕینی بیروبۆچوونیانەوە دەستبەسەر کراون لە ئەوانە 88 کەسیان منداڵن. هەروەها هێرش کراوەتە سەر ٥٢٧ ماڵ و لێکۆڵینەوە لە ٥٢٠ کەس کراوە.
بە پێی ئەم ڕاپۆرتە؛ لە زیندانەکاندا ٣ زیندانی بەهۆی نەخۆشیەوە گیانیان لەدەست داوە، ٢ زیندانی خۆیان کوشتووە.
لە ماوەی شەش مانگدا 44 چەکداری پەکەکە و 21 سەرباز و پۆلیسی سوپای تورکیا و 65 هاوڵاتی مەدەنی کوژراون و 137 کەسیش برینداربوون.