ناوی كاندیدەكان ڕەوانەی وەزارەتی ناوخۆ و دەستەی دەستپاكی عێراق و هەرێمی كوردستان دەكرێ، پێویستە لە ماوەی 15 رۆژدا، لێكۆڵینەوەی لە ناوەكان تەواو بكرێت.
كۆمسیۆنی باڵای سەربەخۆی هەڵبژاردنەكانی عێراق، ئەمڕۆ دووشەممە 29/7/2024، ناوی هەموو بەربژێرەكان رەوانەی لایەنە پەیوەندارەكان دەكات.
بەپێی ئەوەی كۆمسیۆن ئاماژەی بۆ كردووە، ناوەكان رەوانەی وەزارەتی ناوخۆ و دەستە دەستپاكی عێراق و هەرێمی كوردستان دەكرێـت.
بەپێی رێنونییەكانی كۆمسیۆن، دەبێ لە ماوەی 15 رۆژدا، پرۆسەی لێكۆڵینەوەی لە ناوەكان كۆتایی پێبهێندرێت.
لەگەڵ ئەوەدا، هەزار و 198 كاندید وەك سەربەخۆ، پێكهاتەكان، لیستی پارت و هاوپەیمانییەكان خۆیان بۆ هەڵبژاردنی خولی شەشەمی پەرلەمانی كوردستان تۆماركردووە.