لە تورکیا دوای 22 ساڵ دەنگی ئاکپارتی لە نزمترین ئاستدایە و جەهەپە 7.7 خال لە پێشە.
کۆمپانیای راپرسیی مێترۆپۆڵ ئەنجامی کۆتا راپرسیی بڵاوکردەوە کە بە بەشداریی 1784 كه‌س بۆ چوار مانگی ئەمساڵ کراوە.
بەگوێرەی ئەم ڕاپرسیە جەهەپە لە پلەی یەکەم دایە و دەنگەکانی لەمانگی ئه‌پریل لەسەدا 35.9، لە مانگی ئایار، لەسەدا 33.2، لە مانگی حوزەیران لەسەدا 32.8 و لە مانگی تەممووزیش لەسەدا 33.8ـە.
هاوکات دەنگەکانی ئاکپارتی لە مانگی نیسان لەسەدا 31.1، لە مانگی ئایار لەسەدا 29.1، لە مانگی حوزەیراندا لەسەدا 32.4 و لە مانگی تەممووزیش لەسەدا 26.1. بەگوێرەی راپرسییەکە، دەنگی جەهەپە 7.7 خاڵ لە پێش ئاکپارتییە.
لە ساڵی 2002ـەوە تا ئێستا دوای 22 ساڵ ئاکپارتی گەیشتووەتە نزمترین ئاست.