بەرپرسانی فەڕەنسا دەڵێن دوو کەس بە مردوویی دۆزراونەتەوە دوای ئەوەی بەلەمێکی کۆچبەران هەوڵیداوە لە نزیک بەندەری کالاسی فەڕەنساوە بە کەناڵی ئینگلیزدا بپەڕێتەوە بۆ بەڕیتانیا و لەو کاتەدا ڕووبەڕووی کێشە بووەتەوە.
ئاماژە بەوەشکراوە پەنجا و سێ کەسی دیکە ڕزگارکراون.
مامەڵەکردن لەگەڵ کۆچی نایاساییدا کاری سەرەکی حکومەتەکانی بەڕیتانیا و فەڕەنسا بووە. لەم ساڵدا هەزاران کەس بە بەلەمی بچووک گەیشتوونەتە بەڕیتانیا.
مانگی ڕابردوو لانیکەم 5 کۆچبەر لە هەوڵیاندا بۆ پەڕینەوە بە کەناڵەکەدا و گەیشتن بە بەڕیتانیا گیانییان لە دەستدا.
voa