سەرۆکی دامەزراوەی ‘عێراق موستەقبەل’ ڕایگەیاند، لە ماوەی شەش مانگی ڕابردوودا حکوومەتی عێراق بڕی 10 ترلیۆن دیناری قەرزکردووە، ئەمەش بووەتە هۆی زیادبوونی قەرزی ناوخۆ بە ڕێژەی 11%.
مەنار عوبێدی، سەرۆکی دامەزراوەی ‘عێراق موستەقبەل’ بۆ لێکۆڵینەوە و ڕاوێژکاری ئابووری ڕایگەیاندووە، تەنها لە ماوەی شەش مانگدا حکوومەت 10 ترلیۆن دیناری قەرزکردووە، کە بەوشێوەیەیە سێ ترلیۆن دینار لە بانکە حکوومییەکان، چوار ترلیۆن دینار لە بانکە بازرگانییەکان و سێ تریلیۆن دینار لە فرۆشتنی سەنەدات، ئاماژەی بەوەشکرد، قەرزی ناوخۆیی بە ڕێژەی 11% لە ماوەی شەش مانگدا زیادی کردووە.
دەشڵێت، کۆی گشتی قەرزەکانی ئەو لایەنانە 21 ترلیۆن دینار بووە، کە دەکاتە 17%ی قەبارەی وەبەرهێنانی بانکی بازرگانی و حکوومی کە 10%ی سەروەت و سامانی بانکەکان پێکدەهێنێت، ئەمە جگە لە پابەندبوونەکانی وەزارەتی دارایی بەرامبەر بە بانکی ناوەندی کە بڕی 41 تریلیۆن دینارە، کە دەکاتە 21%ی سەروەت و سامانی بانکی ناوەندی بە واتایەکی تر، نزیکەی 15%ی پارەی کەرتی دارایی وەک قەرز لەلای حکوومەتی ناوەندیدایە.
ئا:ج