لە یارییەکانی گەڕی یەکەمی خولی نایابی ئینگلتەرا، یانەی لیڤەرپوول لە دەرەوەی یاریگای خۆی بووە میوانی ئیپسویچ.
لە ئەنجامدا یانەی ڕێدز بە سەرکردایەتی سەڵاح توانی یارییەکە بە دوو گۆڵی بێبەرامبەر یارییەکە بباتەوە.
لە تایمی یەکەمدا، هەردوو یانە چەندین هەوڵیاندا بۆ هەژاندی تۆڕی گۆڵی یەکتریان، بەڵام هیچکامیان سەرکەوتوونەبوون و یارییەکە بەو شێوەیە مایەوە.
لە تایمی دووەم و لە خولەکی 60دا، دیێگۆ جوتا بە ئاسیستێکی مەحەمەد سەڵاح توانی گۆڵی یەکەم تۆماربکات،
دوای تێپەڕبوونی تەنیا پێنج خولەک، ئەمجارە سەڵاح خۆی توانی بۆ جاری دووەم تۆڕی گۆڵی خاوەن یاریگا بهەژێنێت و سەرکەوتن بۆ یانەکەی بەدەست بهێنێت.
بەم ئەنجامە، یانەی لیڤەرپوول بە سەرکردایەتی ئارون سلۆت یەکەم سەرکەوتن لە یەکەم یارییدا بەدەستهێنا.