تۆوی چیا کە چیا سیدیشی پێدەوترێت بەکارهێنانی وەک بەشێک لە سیستمی خۆراکی چەندین سوودی تەندروستی بە جەستە دەگەیەنێت لەوانەش:
-تۆوی چیا دەوڵەمەندە بە پێکهاتە خۆراکییەکانی وەک ریشاڵەکان و پرۆتین و ئۆمیگا 3 و کالسیۆم و مەگنسیۆم و فۆسفۆر، کە هەموو ئەمانە بەشێکن لە پێویستییە سەرەکییەکانی جەستە و هێزی ماسولکەکان و ئێسک و تەندروستیی دڵ باشتردەکەن.
-رێژەیەکی بەرزی دژە ئۆکسانی تێدایە، کە دەبێتە هۆی پارێزگاریی لە خانەکانی جەستە و بەرەنگاریی پیری دەبێتەوە.
-تەندروستیی کۆئەندامی هەرس دەپارێزێت، رێگری لە قەبزی دەکات، یارمەتی گەشەکردنی بەکتریا سوودبەخشەکانی گەدە دەدات.
-سیستمی خواردن رێکدەخات، وادەکات هەست بە تێربوون بکەیت و بۆ ئەو کەسانە بەسوودە کە دەیانەوێت کێشی لەشیان کەمبکەنەوە.
تۆوی چیا، تۆوی گوڵی لە تۆوی گوڵی Salvia hispanica پێکهاتووە، رەنگی رەش و سپیشی هەیە ئەمریکای ناوەڕاست نیشتمانیی راستەقینەیەتی، لەم ساڵانەی دواییدا خواست لەسەری زۆر بووە لە سەرانسەری جیهانەوە.
تۆوی چیا دەکرێت بە چەند رێگایەک بەکاربهێنرێت، لەوانە: تێکەڵ بە ئاو بکرێت، یان تێکەڵ بە ژەمە خۆراکییەکان بکرێت.