وەزیری ناوخۆی تورکیا، عەلی یەرلیکایا لە هەژماری خۆی لە تۆڕی کۆمەڵایەتی بڵاویکردەوە، لە یەک کاتدا لە ٤٩ پارێزگا لە نێویشیاندا ئەنقەرە، ئیستانبوڵ، ئیزمیر و ئەنتاڵیا ئۆپەراسیۆنیان بۆ سەر بازرگانان و فرۆشیارانی ماددەی هۆشبەر ئەنجامداوە.
ئۆپەراسیۆنەکان بەهەماهەنگیی سەرۆکایەتی فەرمانگەی بەرەنگاربوونەوەی تاوانەکانی ماددەی هۆشبەر لە فەرماندەی گشتیی ئاسایش بەڕێوەچوو، کە تیایدا دوو هەزار و ٨١ کارمەندی هێزە ئەمنییەکان لە چوارچێوەی ٨٣٢ تیم و بە بەشداری ١٠ فڕۆکە و ٣٩ سەگی دۆزینەوەی ماددەی هۆشبەر ئەنجامدرا و، ٣٣٦ گومانلێکراو دەستگیرکران، دەستیشگیرا بەسەر دوو تۆن و ٤٢٨ کیلۆگرام ماددەی هۆشبەر و ٨٨٨ هەزار و ٩٢٣ حەبی هۆشبەردا.
یەرلیکایا پیرۆزبایی لە هێزە ئەمنییە بەشدارەکانی ئۆپەراسیۆنەکە کرد و ڕایگەیاند: “دەمەوێت گەلە ئازیزەکەم بزانێت کە پێداگرین لە پاککردنەوەی وڵاتەکەمان لە بازرگانانی ماددەی هۆشبەر“.
AA