بەشێکی زۆری خەڵک لەجیهاندا بەدەست نەخۆشیەکانی گورچیلەوە دەناڵێنن کە چەندین هۆکار و نیشانەی جیاوازی هەیە، لەگەڵ ئەوەشدا بەردەوام بۆ هەموو نەخۆشیەکان پزیشکەکان باس لەوەدەکەن کە سیستمی خۆراکی ڕۆڵێکی گرنگی هەیە.
توشبووانی نەخۆشیەکانی گورچیلە پێویستە ئەم خواردنانە لە سیستمی خۆراکیاندا هەبن:
-کەلەرم
دەوڵەمەندە بە ڤیتامین، کانزا و ڕیشاڵەکان یارمەتی کرداری هەرس و ڕیخۆڵەکان دەدات، کەلەرم ڕێژەیەکی کەم لە کانزاکانی پۆتاسیۆم، فۆسفۆر و سۆدیۆمی تێدایە ئەو کەسانەی کێشەی گورچیلەیان هەیە پێویستە ئەو کانزایانە بەڕێژەکەی کەم وەربگرن.
-قەرنابیت
سوودێکی زۆری بۆ تەندروستی هەیە و جەستە لە ژەهرەکان ڕزگاردەکات.
-سیر
بەردەوام ئامۆژگاری ئەو کەسانە دەکرێت کە نەخۆشیەکانی گورچیلەیان هەیە ڕێژەیەکی کەم سۆدیۆم وەربگرن سیر دەوڵەمەندە بە کانزا و ڤیتامینە بەسوودەکان و ڕێژەیەکی کەم سۆدیۆمی تێدایە.
-ترێ
ڕێژەیەکی زۆر ڤیتامین سی و دژەئۆکسانەکانی تێدایە یارمەتی کەمکردنەوەی هەوکردنەکان دەدات، ترێ بەیەکێک لەو میوانە ناسراوە کە هاوڕێی گورچیلەیە.
لەبەر ئەم ھۆکارانە ترێ بخۆ
-سپێنەی هێلکە
سەرچاوەیەکی سەرەکی پڕۆتینە و هاوڕێی گورچیلەیە، سوودێکی زۆری بۆ ئەو کەسانە هەیە کە چارەسەری شتنەوەی گورچیلە وەردەگرن، چونکە پێویستیان بەڕێژەیەکی زۆر لە پڕۆتین هەیە و سپێنەی هێلکە دەوڵەمەندە بە پڕۆتین.