لە یاریێکی تری جامی کاراباو، یانەی چێڵسی لە ستامفۆرد بریچ میوانداری بارۆی کرد.
لە کۆتاییدا یانەی بلۆز توانی گۆڵبارانی بارۆ بکات بە پێنج گۆڵی بێبەرامبەر شکستی پێهێنا.
لە تایمی یەکەمدا و لە خولەکەکانی 8 و 15 یاریزان کریستۆڤەر نکۆنکۆ دوو گۆڵ بۆ یانەکەی تۆمارکرد، لە ئەنجامی فشارەکانی شین پۆشەکانی لەندەندا یاریزان فەرمان بە هەڵە لە خۆیان گۆڵی سێیەمی چێڵسی تۆمارکرد.
لە سەرەتای تایمی دووەم و لە خولەکی 48 پێدرۆ نێتۆ گۆڵی چوارەمی بلۆزی تۆمارکرد، هەوڵەکانی خاوەن یاریگا بەردەوامبوون لەسەر گۆڵی میوانەکەیان، ئەوەبوو نکۆنکۆ گۆڵی سێیەمی خۆی و پێنجەمی یانەکەی تۆمارکرد.
بەم سەرکەوتنە، یانەی چێڵسی خۆی گەیاندە قۆناغی داهاتوو بارۆش ماڵئاوایی لە جامەکە کرد.