هەنجیری وشککراو یەکێکە لەو میوە سروشتییە تەندروستانەی کە چەندین سوودی خۆراکی تێدایە.
لە بابەتێکی ماڵپەڕی ” asab news” دا ئاماژەی پێکراوە کە هەنجیری وشککراوە ڕێژەیەکی بەرزی ڕیشاڵی خۆراکی تێدایە، ئەمەش تەندروستی کۆئەندامی هەرس بەرز دەکاتەوە و یارمەتی باشترکردنی جوڵەی ڕیخۆڵە دەدات و ڕێگری لە قەبزی دەکات.
هەنجیری وشککراو چەندین جۆری ڤیتامین و کانزای تێدایە وەک ڤیتامین سی و ڤیتامین K و پۆتاسیۆم و کالیسیۆم و مەگنیسیۆم و ئاسن، ئەم ماددە خۆراکیانە ڕۆڵێکی گرنگ دەگێڕن لە باشترکردنی تەندروستی و بەرزکردنەوەی ئەرکە جیاوازەکانی جەستە.
دژە ئۆکسانی تێدایە کە یارمەتی بەرەنگاربوونەوەی ئەو زیانانە دەدات کە بەهۆی ڕادیکاڵە ئازادەکانەوە لە جەستەدا دروست دەبێت، دژە ئۆکسێنەرەکان بەشدارن لە پاراستنی تەندروستی پێست و قژ و بەهێزکردنی سیستەمی بەرگری جەستە و ڕێگریکردن لە نەخۆشییە درێژخایەنەکانی وەک نەخۆشییەکانی دڵ و شێرپەنجە.
هەنجیری وشککراوە بڕێکی باش شەکری سروشتی وەک گلوکۆز و فرۆکتۆز لەخۆدەگرێت، ئەمەش وایکردووە سەرچاوەیەکی نایابی وزەی خێرا بێت، هەروەها بڕێکی باش لە کالیسیۆم و فسفۆڕ و مەگنیسیۆمی تێدایە و ئەم کانزایانە گرنگن بۆ تەندروستی ئێسک و ددان، خواردنی هەنجیری وشککراو یارمەتیدەرە بۆ خۆپاراستن لە پووکانەوەی ئێسک و نەخۆشیەکانی تری ئێسک.