بەشێک لە خەڵکی بەرکەوتەی هەندێک نیشانە دەبن، وەک ماندوێتی، ئازاری ماسولکەکان، ئازاری ئێسک و دووبارەبوونەوەی هەوکردن ئەم نیشانانە رەنگە پەیوەندی بە کەمی ئاستی ڤیتامین Dەوە هەبێت.
بەپێی ئەوەی لە ڕۆژنامەی ” The Times of India” بڵاو کراوەتەوە دەتوانرێت ئەم نیشانانە لە ڕێگەی دەستکاریکردنی شێوازی ژیانەوە تێپەڕێنرێت بۆ بەرزکردنەوەی ئاستی ڤیتامین D لە جەستەدا و کەمکردنەوەی دەرکەوتنی نیشانەکانی پەیوەست بە کەمی ئەم ڤیتامینە، بەم شێوەیە:
١. هەموو ڕۆژێک سوود لە تیشکی خۆر وەربگرە:
باشتر وایە ڕۆژانە بۆ ماوەی ١٥ بۆ ٣٠ خولەک بەر تیشکی خۆر بکەوێت بە تایبەت لە بەیانیاندا بۆ بەدەستهێنانی ڤیتامین D و باشترکردنی تەندروستی ئێسک و ماسولکەکان، هاوکات پارێزگاری لە پێستت بکە بە بەکارهێنانی دژە خۆر و دوورکەوتنەوە لە مانەوەی زۆر لە بەردەم تیشکی خۆردا.
٢. خواردنی ئەو خۆراکانەی دەوڵەمەندن بە ڤیتامین D:
خۆراک ئامرازێکی بەهێزە لە بەرەنگاربوونەوەی کەمی ڤیتامین D لە کاتێکدا بەدەستهێنانی هەموو پێداویستییەکان تەنها لە خۆراکەوە ئەستەمە، بەڵام تێکەڵکردنی بژاردەی دەوڵەمەند بە ڤیتامین D دەتوانێت یارمەتیدەر بێت بۆ پڕکردنەوەی ئەو بۆشاییە، پێشنیار دەکرێت گرنگی بدرێت بە خواردنی ماسی سەلەمون.
٣. تەواوکەری خۆراکی بخۆ:
کاتێک خۆراک و بەرکەوتن بە تیشکی خۆر بەس نییە، تەواوکەرە خۆراکیەکان دەتوانن ڕۆڵێکی گرنگ بگێڕن، تەواوکەری ڤیتامین D بە چەندین شێوەی جیاواز هەیە، بەڵام پێویستە ڕاوێژ بە دکتۆر بکەیت بۆ دیاریکردنی ژەمی گونجاو چونکە زیادەڕۆیی وەرگرتنی دەتوانێت ببێتە هۆی ئاڵۆزییەکان.