ئەو كەسانەی كێن كە نابێت قاوە بخۆنەوە

حەزت بە قاوە هەیە؟ یەكێكیت لەو كەسانەی بە خواردنەوەی قاوە نەبێت وزەی پێویستت نابێت؟ زۆرن ئەو كەسانەی بەمشێوەیەن، بەڵام ئایا قاوە بۆ هەمو كەس تەندروستە؟ یان هەندێك كەس دەبێت لە خواردنەوەی دوربكەونەوە؟

خواردنەوەی قاوە بۆ هەموان وەكو یەك تەندروست نییە، هەندێك كەس هەیە پێویستە لە خواردنەوەی دوربكەونەوە:

1. ئەو كەسانەی كێشەی ریخۆڵەیان هەیە، نابێت بیخۆنەوە، چونكە كێشەی كرداری هەرسیان بۆ دروستدەكات، توشی غازات و سكچونیان دەكات.

2. بۆ دایكانەی شیر دەدەن بە منداڵەكانیان، یان دوگیانن، مەترسی هەیە.

3. ئەو كەسانەی نەخۆشی دڵیان هەیە، چونكە قاوە دەوڵەمەندە بە كافایین، بۆ ماوەیەكی كاتیی پەستانی خوێن و لێدانی دڵ زیاد دەكات.

4. ئەو كەسانەی دڵەڕاوكێ و خەمۆكییان هەیە.

5. ئەو كەسانەی زەختیان هەیە و پەستانی خوێنیان بەرزە.

6. ئەو كەسانەی ئاوی رەشی چاویان هەیە.

7. ئەو كەسانەی كە دەرمانی پزیشكی بەكاردەهێنن، پێویستە بە راوێژكردن لەگەڵ پزیشكەكانیان قاوە بخۆنەوە.