رۆژان سندی رادگەهینیت: گەنج بنیاتێ ئاڤەدانکرنا هەر ولاتەکێنە نەبتنێ یا پێتڤیە گرنگی بگەنجی بدەین ل پەرلەمانی ، یا گرنگە دهەر دامو دەزگەهەکێ میریدا گرنگی بگەنجی بهێتە دان.
رۆژان جەبار محمد سندی بەربژارا هەژمارە 22 لسەر لیستا 190 یا پارتی دیموکراتی کوردستان ل بازنێ دهۆک بۆ ئاژانسی هەواڵی زاگرۆس بەرنامەیێ کارێ خۆە ئاشکرا کر: ئەس وەك كچە شەهیدەك دێ هەوڵدەم زێدەتر تەکەزێ پێخمە سەر خزمەتکرنا ماڵباتێن شەهیدان و پێشمەرگێن قەهرەمان ، هەروەسا دەنگێمە بو لیستا شەهیدان و پێشمەرگەی لیستا 190 یاپارتی، دێ ئایندێمە گەشتر لێکەت، سوزێ ددەم لپەرلەمانێ کوردستانێ ببمە جهێ باوەری و متمانەیا خەلکێ خو بۆ هەمی پارێزگەها دهۆکێ بگشتی لدەڤەرا زاخۆ بتایبەتی.
کچا شەهید جەبار سندی گۆت، ئەس دبێژمە خەلکێ خۆە دەنگی ب لیستا 190 بدەن ژبەرکو پارتی تاکە حزبە بویە ئەگەر کو قەوارێ هەرێما کوردستانێ یێ پاراستی بیت و هەروەسا پارێزڤانە لهەمی ماف و رەوا و دەستکەفتێن مللەتێ کورد .
ناڤبری گۆتژی ، ئەم خزمەتکارێ مللەتێ خونە و دێ دبەردەوامبین دخزمەتێدا و کار ژ بۆ هەمی تەخ و ریێن جڤاکی کەم ، و ژبەرکو ڤێگاڤێ ئەس یا د خوێندنا بڵندا کاردکەم من دڤێت خزمەتکرنا کەرتێ پەروەردێ بگرنگیڤە لپەرلەمانی وەرگرم .
ناڤهاتی خویا کر : ئەس هەمی وان چۆاردە تەوەرێن د پروژێ پارتیدا بگرنگ دبینم کۆ دێ خزمەتا گەلێخو کەتن و هەر تەوەرەکێژی گرنگیاخو یا جودا یاهەی ، پارتی دیموکراتی کوردستانژی وەکۆ حزب تەکەز دکەت کۆ گرنگیەکامەزن بدەنە پێشمەرگە و مالباتێن شەهیدا خزمەتا زارویێن وانا بکەین کۆ بشێن بێ بەرامبەر بخوینن ل زانکو و پەیمانگەهان و هەروەسا ئەولەویەت بۆ زارویێن شەهیدابن ، ئەگەر چەند خزمەتا وانا بکەین ناگەهتە دلوپەکا خوینا جانێ وان ، لڤێرێ گرنگیدانا وانا ئەرکێ منێ سەرەکیە ل پەرلەمانێ کوردستانێ.
زێدەتر گۆت ، بێ شك و گومان كۆ خەلکێ مە دیدەڤانە لسەروان هەمی پروژێن ستراتیژی کو دماوێ سێ سالێن سەربەخۆیا زاخودا هاتینە ئەنجامدان و خەلکێمە ئەو زانین هەیە کۆ هەمی ئەوا هاتیەکرن کینە بو زاخۆ دەڤەرا زاخۆ خزمەتێدکەن و سەرەرای ڤان پروژێن هەین ، ئەم زێدەتر خزمەتێ بکەین ، پروژێن باشتر بو پارێزگەها دهۆکێ بگشتی و دەڤەرا زاخۆ بتایبەتی بکەین.
هەروەسا ل سەبارەتێ کەرتێ گەشت و گوزاریێ ، گەلەک گرنگیاخو هەیە و نمونێن زندی یێن چەندین ولاتان هەنە کو بەهرا پتر یا داهاتێ ولاتێ وان برێکا کەرتێ گەشتوگوزارێیە و پێتڤیە ئەمژی وەکی وان ولاتان گرنگیەکا زێدەتر بدەینە ڤی کەرتی و ببیتە داهاتەکێ باش بو حکومەتێ و بێخیتە دخزمەتا خەلکێخودا.
ئاماژەژی کر، کۆ دێ هەوڵدەت گرنیەکا مەزن بدەتە کەرتێ کشتوکالیژی نەبتنێ پتات و هنار و هێنگڤین بچنە دەرڤە و پالپشتیەکا مەزن خزمەتەکا زێدەتر ژ یاڤێگاڤێ ل جوتیارێ خو بکەین و پێتڤی ب بەرهەمێن دەرەکی نەبین و بەرهەمێن زێدەتر رەوانەی دەرڤەی کوردستانێ بکەین .
هەروەسا ئاشکراژی کر ، کۆ گەنج بنیاتێ ئاڤەدانکرنا هەر ولاتەکێیە نەبتنێ یا پێتڤیە گرنگی بگەنجی بدەین ل پەرلەمانی ، یا گرنگە دهەر دامو دەزگەهەکێ میریدا گرنگی بگەنجی بهێتە دان ، ئەم دشێین رێکا گەنجی کار و ئەرکێن سەردەمیانە لسەر دەستێ گەنجان ئەنجام بدەین .
رۆژان سندی بەربژێرا هەژمارە 22 ،ئەس وەک کچە شەهیدەک، پەیامامن بو هەمی تەخێن جڤاکی و بتایبەتی تەخا گەنجان کۆ دبێژمێ دەنگێتە بلا بهەروە نەچیت و ویژداناخو ئارامبکەن و دەنگی بدەنە لیستا 190 ئەو لیستا شەهید داین و چەندین سالە خەباتێ دکەت و ئارامی و ئاڤەدانی بومە ئینای و بەرەڤانیێ ژ قەوارێ هەرێما کوردستانێ دکەت.