هۆڵه‌ندا پێشوازى لە هەڵبژاردنى پەرلەمانى کوردستان دەکات و چاوەڕوانى دەستبەکاربوونەوەى پەرلەمان و پێکهێنانى حکومەتە، کۆنسوڵخانەی گشتیی هۆڵەندا لە هەولێر ده‌ڵێت: پیرۆزبایی لە خەڵکی کوردستان دەکەین بەبۆنەی ئەنجامدانی هەڵبژاردنێکی ئاشتیانە.
کۆنسوڵخانەی گشتیی هۆڵەندا لە هەولێر پەیامێکی بەبۆنەی بەڕێوەچوونی هەڵبژاردنی خولی شەشەمی پەرلەمانی کوردستان بڵاوکردەوەو تیایدا هاتوووه، پیرۆزبایی لە هەموو خەڵکی هەرێمی کوردستان دەکەین بەبۆنەی ئەنجامدانی هەڵبژاردنێکی ئاشتیانە لە کەشێکی ئەرێنیدا.
ئاماژەی بەوەش داوە: بەرزیی ڕێژەی دەنگدان نیشانەی دیموکراسییەکی زیندووە کە لە چەندان بنکەی دەنگدان لە ناوچەکەدا تێبینیمان کرد.
کۆنسوڵخانەی هۆڵەندا روونیشی کردووەتەوە: ئێمە چاوەڕێی پرۆسەیەکی خێرا و سەرکەوتووی پێکهێنانی حکومەت دەکەین.