ئەو نەخۆشییەی كە لە یەكەم سەعاتی تووش بوون دەبێ چارەسەر وەربگرێت ئەگەر نا تووشی چەندین ماك و لێكەوتەی خراپ دەبێ.
بەتایبەتی لە وەرزی زستاندا سەرهەڵ دەدات یاخود زیاد دەكا بریتییە لە هەوكردنی سیەكان.
هەوكردنی سییەكان چیە ؟
هەوكردنێكی توندو لە ناكاوی سی یەكانە بەهۆی میكرۆبەو جا چ بەكتریا بێ یاخود ڤایرۆس وەك كۆرۆناو ئەنفلۆنزا یان كەڕووبێ كە كەسی تووشبوو.
1. كۆخەو تاو لەرز.
2. تەنگە نەفەسی و سینگ ئێشە.
3. بێ تاقەتی.
4. هەندێ جار ڕشانەوەو سەرئێشەی لەگەڵ دەبێ.
لەهەر (1000) كەسێك (5 – 15) كەس تووشی دەبن ساڵانە، هەموو تەمەنێك دەگرێتەوە بەزۆری لە نێو پیران و منداڵان زیاترە.
ساڵانە (10) ملیۆن كەس لە ئەمریكا تووشی هەوكردنی سییەكان دەبن و بە شەشەم هۆكاری مردن دادەنرێت.
ئەو هۆكارانەی كە بەزۆری دەبنە هۆی تووشبوون :
1. جگەرە.
2. گیرانی بۆریچكەی هەوا بە هۆی گرێ یان قوت دانی تەنی غەریب.
3. نەخۆشیە درێژخایەنەكانی سی و بۆڕی هەوا.
4. ئەوانەی تەمەنیان لە سەرووی (65) ساڵیە.
5. بەكارهێنانی دەرمان بەتایبەتی دەرمانی ستیرۆید.
6. لاوازی یان كەمی بەرگری لەش.
7. شەكرە.
8. كحول و مەی.
ئەم نەخۆشییە دەبێ لە یەكەم سەعاتی تووش بوون دەبێ چارەسەر وەربگرێت بەتایبەتی دژە بەكتریا ئەگەر نا تووشی چەندین ماك و لێكەوتەی خراپ دەبێ لەوانە.
لەكاركەوتنی هەناسەو دروست بوونی قونێر لە سیەكان و خوێن مەیین و هەندێ جار لەكاركەوتنی گورچیلەو هەوكردنی ماسولكەی دڵ.
(د. هیوا خالید گەردی – پسپۆری نەخۆشیەكانی هەناوو دڵ)