بەهای پارەی نیشتمانیی ئێران لە دابەزین بەردەوامە و ڕۆژی سێشەممە ١١ کانوونی یەکەم، نرخی دۆلار لە بازاڕی ئازادی ئەم وڵاتەدا ٧٣ هەزار تمەنی تێپەڕاند و لە نووسینگەکانی ئاڵوگۆڕی دراو بە ٧٤ هەزار تمەن حەواڵە کراوە.
لە مانگی ئادارەوە بەهای پارەی نیشتمانیی ئێران لە ٦١ هەزار و ٨٠٠ تمەنەوە بە چەند قۆناغێک گەیشتە ئەم ئاستەی ئێستا.
ڕووخانی حکوومەتی بەشار ئەسەد لە سووریا وەکوو هاوپەیمانی ستراتیژیکی ئێران کاریگەریی لەسەر دابەزینی بەهای پارەی نیشتمانیی ئێران بووە و ڕەوتی گرانبوونی دۆلار لەم وڵاتە دوای سەرکەوتنی دۆناڵد ترامپ لە هەڵبژاردنەکانی سەرۆکایەتیی ئەمریکادا دەستی پێ کرد و هێرشەکانی ئێران و ئیسرائیل بۆ سەر خاکی یەکتریش کاریگەریی لەسەر گرانبوونی دۆلار هەبووە.
هەواڵی پێشوو