لە یەکەم یاری ئەمشەوی چامپیۆنزلیگ، یانەی ئەتلەتیکۆ مەدریدی ئیسپانی لە یاریگای خۆیدا میوانداری یانەی سلاڤیا براتیسلاڤای کرد.
لە ئەنجامدا یانەی ئەتلەتیکۆ مەدرید بە سێ گۆڵ بەرامبەر بە گۆڵێک شکست سلاڤیا هێنا.
لە تایمی یەکەم ئەتلەتیکۆی خاوەن یاریگا دەستپێشخەری کردو دوو گۆڵی لەڕێگەی یاریزانان جولیان ئەلڤارێز و ئەنتوان گریزمان لە خولەکەکانی 16 و 42 تۆماریانکرد، ئەو تایمەش بەو شێوەیە مایەوە.
لە تایمی دووەمدا، یانەکەی میوان لە خولەکی 51 دا لەڕێگەی یاریزان داڤید ستریلێس گۆڵێکی تۆمارکرد و ئەنجامەکەی بۆ گۆڵێک کەمکردەوە،
بەڵام دڵخۆشی سلاڤیا ئەوەندەی نەخایاند کاتێک لە خولەکی 57 گریزمان گۆڵی سێیەم و دڵنیایی بۆ ئەتلەتیکۆ تۆمارکرد و سەرەنجام یارییەکەیان بە ئەنجامی س بەرامبەر گۆڵێک بردەوە.
بەم سەرکەوتنە، یانەی ئەتلەتیکۆ مەدرید خاڵەکانی گەیاندە 12 خاڵ و چووە پلەی 10یەمی ڕیزبەندی، یانەی براتیسلاڤاش هیچ خاڵی نییە و لە پلەی کۆتاییدایە.