کولەکە یەکێکە لەو سەوزەواتانەی دەوڵەمەندە بە ڤیتامینەکان و ئاسان هەرس دەبێت، لەلایەن بچووک و گەورەوە خواستێکی زۆری لەسەرە، کالۆری کەمی تێدایە و سوودێکی تەندروستی زۆر بە جەستە دەگەیەنێت.
سیلفانا فۆس پسپۆڕی بواری خۆراک دەڵێت: کولەکە سوودێکی زۆری هەیە، یارمەتی کرداری ڕیخۆڵەکان دەدات و چارەسەری قەبزی دەکات، کولەکە دەوڵەمەندە بە ڕیشاڵەکان و ئاو یارمەتی کرداری هەرس و کەم کردنەوەی کۆلیستڕۆڵی خوێن دەدات، ئەگەری توشبوون بە نەخۆشی خوێنبەرەکان و بەردی زراو کەم دەکاتەوە.
کولەکە کالۆری و شەکر و چەوری تێدا نییە ئەمەش ڕێگری لە توشبوون بە نەخۆشی شەکرە لەجۆری دوو دەکات، توێکڵی کولەکەش سوودێکی زۆری لە ڕێکخستنی کرداری هۆرمۆنەکان و غودەر دەرەقیدا هەیە و یارمەتی ڕێکخستنی ئەنسۆلینی جەستە دەدات، کولەکە سەرچاوەیەکی سەرەکی ڤیتامینەکانە یارمەتی تەندروستی دڵ دەدات، ڕێژەیەکی زۆر پۆتاسیۆمی تێدایە کۆنتڕۆڵی پەستانی خوێن دەکات و رێگری لە جەڵتە دەکات.
ڕێژەیەکی زۆر دژەئۆکسانی تێدایە یارمەتی دابەزاندنی پەستانی خوێن دەدات و خوێنەبەرەکان دەپارێزێت، دەوڵەمەندە بە کارۆتینات کە سوودێکی زۆری بۆ تەندروستی چاو هەیە.