لە یارییەکانی قۆناغی چارەکی کۆتایی کاراباو، یانەی ئارسناڵ میوانداری کریستال پالاسی کرد.
لە ئەنجامدا یانەی گەنەرز توانی بە ڕیمۆنتادا و بە سێ گۆڵ بەرامبەر بە دوو گۆڵ شکست بە پالاس بهێنێت.
لە تایمی یەکەمدا و لە خولەکی چواردا یانەی میوان دەستپێشخەری کردو گۆڵێکی لەڕێگەی فلیپ ماتێتا تۆمارکرد، هەرچەندە چەندین هەوڵی تر درا، بەڵام ئەو تایمە بەو شێوەیە مایەوە.
لە تایمی دووەم، ئارسناڵی خاوەن یاریگا باشتر گەڕایەوە و لەو تایمەدا سێ گۆڵی لەسەر یەکی لە خولەکەکانی 54، 73 و 81 لە ڕێگەی یاریزان گابریێل خیسوس تۆمارکرد،
دوای تێپەڕبوونی چوار خولەک یاریزان نیکیتا ئەنجامەکەی بۆ گۆڵێک کەمکردەوە لە سوودی کریستال پالاس و گۆڵی دووەمی یانەکەی تۆمارکرد، بەڵام یارییەکە هەر بەو شێوەیە کۆتاییهات.
بەم ئەنجامە، یانەی ئارسناڵ خۆی گەیاندە یاری پێش کۆتایی جامی و کریستال پالاسیش ماڵئاوایی کرد.