کەرتی تەندروستیی غەززە بڵاوی‌کردەوە، بەهۆی هێرش و بۆمبابارانی سوپای ئیسرائیل تەنیا لە ٢٤ کاتژمێری ڕابردوو لە غەززە زیاتر لە ٢٠ کەس کوژراون.
بەم شێوەیەش ژمارەی کوژراوانی غەززە لە ٧ـی ئۆکتۆبەری ٢٠٢٣وە گەیشتە ٤٥ هەزار و ٣٣٨ کەس و نزیکەی ١٠٨ هەزار کەسیش بریندارن.
وەک سەرچاوەی هەواڵ باس دەکەن، دانوستانی تایبەت بە ئاگربەستی غەززەش بەردەوامن و بەرەوپێشچوونی زۆر هەیە، بەجۆرێک بنیامین ناتەنیاهۆ سەرۆکوەزیرانی ئیسرائیل دەڵێت، لە رێککەوتن نزیکن.
