zagros news agency

سه‌رۆكى هه‌رێمى كوردستان، پێشوازيى له‌ كونسوڵی گشتيى نوێى ئێران دەکات

پێشنيوه‌ڕۆى ئه‌مڕۆ سێشه‌ممه‌ 2024/12/24 به‌ڕێز نێچيرڤان بارزانى، سه‌رۆكى هه‌رێمى كوردستان، له‌ ديدارێكدا له‌گه‌ڵ به‌ڕێز فه‌رامه‌رز ئه‌سه‌دى، كونسوڵى گشتيى نوێى كۆمارى ئيسلاميى ئێران له‌ هه‌ولێر، پيرۆزباييى ده‌ستبه‌كاربوونى لێكرد و هيواى سه‌ركه‌وتنى بۆ خواست، هه‌روه‌ها هه‌موو پشتگيرييه‌كى لايه‌نه‌ په‌يوه‌نديداره‌كانى هه‌رێمى كوردستانى بۆ سه‌رخستنى ئه‌ركه‌كه‌ى ده‌ربڕى.

لاى خۆيه‌وه‌ به‌ڕێز كونسوڵى گشتيى نوێى ئێران، وێڕاى ده‌ربڕينى خۆشحاڵيى خۆى به‌ ده‌ستبه‌كاربوونى، دووپاتى كرده‌وه‌ كه‌ كۆمارى ئيسلاميى ئێران به‌ بايه‌خ و گرنگييه‌كى زۆره‌وه‌ له‌ په‌يوه‌ندييه دێرينه‌كانى له‌گه‌ڵ هه‌رێمى كوردستان ده‌ڕوانێت و خواستى وڵاته‌كه‌ى بۆ بره‌ودان به په‌يوه‌ندييه‌كان له‌ هه‌موو بواره‌كاندا، نيشان دا.

له‌ ته‌وه‌رێكى ديكه‌ى ديداره‌كه‌دا، ده‌رباره‌ى دوايين پێشهاته‌كانى دۆخى ناوچه‌كه‌ به‌گشتى، بيروڕايان گۆڕييه‌وه‌.

هەواڵی پەیوەندیدار

سەد و بیست ملیار دەخرێتە سەر هەژماری بانکی وەزارەتی دارایی عێراق

سەڵاح

ئەوانەی پەنجەمۆریان نەخوێندراوەتەوە دەتوانن سەردانی بنکەکانی تۆماری دەنگدەران بکەن

سەڵاح

مه‌حما خه‌لیل بۆ زاگرۆس: شەنگال بەشێکی دانەبڕاوی كوردستانه‌ و کاغەزێکی سیاسی نییە لە ژوورە داخراوەکاندا بریار له‌چاره‌نووسی بدرێت

سەڵاح