وەزارەتی دەرەوەی تورکیا ڕایگەیاند، 3 هاووڵاتیی تورکیا لە سنووری ئیسرائیل لەلایەن سوپای ئەو وڵاتەوە کراونەتە ئامانج و کوژراون.
ئاژانسی فەرمیی تورکیا لەسەر زاری وەزارەتی دەرەوەی ئەم وڵاتە بڵاوی کردەوە، سێ هاووڵاتی کرێکاری تورک بەرێگەی نایاساییەوە هەوڵ دەدەن لە لوبنانەوە بچنە نێو خاکی ئیسرائیل، بەڵام لە بۆمبابارانێکدا کراونەتە ئامانج. وەزارەتی دەرەوەی تورکیا هەروەها گوتوویەتی: لە 11ـی ئەم مانگە هەر سێ کەسەکە لەسنووری لوبنان ونبوون و دواجار پەیوەندییان لەگەڵ پچڕاوە.
ئەم هاووڵاتەییە تورکانە پێشتر بە ناوی ساختە چوونەتە ئیسرائیل و لەوێ بۆ ماوەی دوو بۆ سێ ساڵ کرێکارییان کردووە.
وەزارەتی دەرەوەی تورکیا بە توندی سەرکۆنەی هێرشەکەی کردووە، داوای لێکۆڵینەوە دەکات.