ئەمڕۆ چوارشەممە 2/5، مەسرور بارزانی، سەرۆکی حکومەتی هەرێمی کوردستان ، پێشانگەی نێودەوڵەتیی تەندروستی ( MEDICO)ی لە هەولێر کردەوە.
سەرۆکی حکومەت بەشەکانی پێشانگاکەی بەسەرکردەوە کە یەکەمین و گەورەترین پێشانگەی نێودەوڵەتی تەندروستییە لە عێراق و کوردستان و زیاتر لە 150 کۆمپانیای ناوخۆیی و نێودەوڵەتی بەشداریان تێدا کردووە کە لە 5 تا 8ی شوبات لە پێشانگەی نێودەوڵەتیی هەولێر بەڕێوەدەچێت.
