ئەمڕۆ یەكشەممە 2/3/2025، قایمقامیەتی سلێمانی لە ڕاگەیاندراوێكدا ئاماژەی بەوە داوە: “لە کۆگایەکدا دەست بەسەر زیاتر لە 60 تۆن گۆشتی بەستوودا گیرا کە هاوردەی سلێمانی کرابوو.
لەمبارەیەوە، گۆران قادر، سەرۆکی لیژنە هاوبەشەکانی قایمقامیەتی سلێمانی، لە پرێس كۆنفرانسێكدا گوتی: “ئەو گۆشتە هاوردەی سلێمانی کراوە و لە کۆگایەکدا لیژنەکان دەستیان بەسەردا گرتووە كە گۆشتی بەستووە و بە شێوەی پارچەی ناو کارتۆن و لاکی تەواوەتی ئاژەڵە، بەشێکی بەسەر چووە و جیا کراوەتەوە، بەشەکەی دیكەشی بەسەر نەچووە، بەڵام دووجار پشکنینی بۆ کراوە، دەرکەوتووە بۆ خواردن شیاو نییە.”
ئەوەش خراوەتە ڕوو، بە فەرمانی قایمقامی سلێمانی، تەواوی گۆشتە بەستووەکە دەستی بەسەردا گیرا و لەناو دەبرێت.ش