هونهرمهندی گۆرانیبێژی میللی رهزا جولهكانی، دوای تهمهنێك له خزمهتی هونهری میللی، رۆژی پێنجشەممە 14ی ئازاری 2024، له شاری سلێمانی كۆچی دوایی كرد.
ڕهزا جولهكانی، له 1964 له سلێمانی لەدایکبووە و له تهمهنێكی زووهوه روویكردووهته هونهر و یهكهم بهرههمی خۆی له ساڵی 1978 به کاسێت بڵاوکردووەتەوە.
له سهرهتای گۆرانیوتدا، له ژێر كاریگهری هونهرمهندی كورد حهسهن زیرهك و ژمارهیهك له هونهرمهندانی سهردهمی پێشخۆی بووه.
له ماوهی ژیانی هونهری خۆیدا لهگهڵ هونهرمهندانی مبللی ههرێمی كوردستان و رۆژههڵاتی كوردستان چهندین بهرههمی تۆمار كردووه.
هونهرمهند رهزا جولهكانی، كهسایهتییهكی كۆمهڵایهتی ناسراوی سلێمانی بووه، به زمانێكی پهتی و كوردییهكی رهوان و بهند و گۆرانی وتووه و به جۆرێك هیچ كات بۆ وشه دانهماوه و فهرههنگێكی ناوازهی وشهی كوردی بووه.
