وەزارەتی دارایی ڕایگەیاند ڕۆژی پێنجشەممە، مووچەی مامۆستایانی گرێبەستی وەزارەتی پەروەردەو خوێندنی باڵا دابەش دەکرێت.
وەزارەتی دارایی و ئابووریی هەرێمی کوردستان، لە ڕاگەیەندراوێکدا ئاشکرای کرد، ڕۆژی پێنجشەممە، 10ـی نیسانی 2025، مووچەی مانگی ئاداری مامۆستایانی گرێبەستی وەزارەتی پەروەردە لەسەرتاسەری هەرێمی کوردستان دابەش دەکرێت.
ئاماژەی بەوەش کردووە، هەمان ڕۆژ، مووچەی مانگی کانوونی دووەم و شوباتی مامۆستایانی گرێبەستی وەزارەتی خوێندنی باڵا لەسەرتاسەری هەرێمی کوردستان دابەش دەکرێت، کەسەرجەم تەمویلەکانیان لەداهاتی ناوخۆ خەرج دەکرێت.