نڤیسینا : سلێمان سندی
د جیهانێدا گەلەک چاند و بیروباوەڕ و ناسنامە یێن دیار کری وجودا جودا هەنە، لێبورین بناغەیەکێ گرنگە بۆ پاراستنا پێکڤەژیانا ئاشتیانە دناڤا چاند و ئەوان بیروباوەراندا. لێبورین، قەبولکرن، لێکتێگەهشتن و ڕێزگرتنە ل بیروباوەڕ و بۆچوونێن کەسانێن خۆدان دیتنێن جودا. د بنیاتدا وژدانا ساخلەم لێبورین وبەها وکەرامەتا نافخۆەیا هەمی تاکان بەرجەستە دکەت، بێ گوهدانا جوداهیا ڕەگەز، ئایین، نەتەوە، یان بارێ ئابووری وکۆمەڵایەتی، پشتەڤانیا وان دیتنا دکەت کو تابلۆیێ ئەزموونا سەرکەفتییا مرۆڤان دەوڵەمەند دکەن، دیتنێن جۆراوجۆر پێشکێش دکەن کو پێتڤینە بۆ پێشکەفتنا کۆمەڵگەها. هەتا کو لێبوردەبین دڤێت گوهداریێ بکەین ب هزرێن ڤەکری وبەشدارببین ل دانوستاندنێن بنیاتنەر، بەردەوامبین لسەر چاندنا هەڤسۆزیێ بۆ قەدر زانینا ئەزموونا سەرکەفتیا کەسانێن دیتر، ئەڤ چەندە ب رێکا هەوڵدانێن بەردەوام دشێن ئاستەنگیێن هەمبەر یەکسانیا مرۆڤان هەڵبوەشینن. نەزانین و ترس و تێڕوانینێن شاش دشێن بێ متمانەیێ زێدە بکەن و دیوارەکێ دروستبکەن کو رێگریێ بکەت ل پەیوەندیێن ساخلەم و مانادار، ژبەر هندێ هونەرێ گوهداریکرنێ و هەڤسۆزیێ و ئێک قەبیلکرنێ دگەل دیتنێن نەوەک هەڤ هەتا دئێت زەحمەتر دبیت، تایبەتی دڤی وەختێدا کو وڵاتێمە نەتەبایە و ئاژاوە بەردەوام هەیە، لەوما گرنگە بیروکا لێبوردەیێ بکەین چارەسەریا کێشە و ململانیان بۆ ڤەدیتنا چارەسەریێن بلەز وریشەیی. چاندنا کلتوری لێبوردەی ژبلی کو پێتڤیەکا ئەخلاقیە بەلکو پێتڤیە بۆ گەشەیا ئاشتی و سەقامگیری و خۆشگوزەرانیا کۆمەڵگەهێ، بۆڤێ چەندێ ژی مە پێتڤی بـ هەوڵ وشیانێن تاک و کومێن کومەڵگەهێ هەیە بۆ گەشەیا وەک هەڤی وپێکڤە ژیانێ. هەمی جا هێزا ڕق و کین هەرەشەنە بۆ ژناڤبرنا پەیکەرێ کومەڵگەهێ، تاکە هێزا بویە قەلا بۆ بەرگریکرنێ و مانەڤەیا ڤی پەیکەری لێبورینە. د جیهانەکا تەژی ژ دابەشبوون و ئالۆزیدا، لێبوردەیی وەک بنەمایەکێ سەرەکی بۆ پەروەردەکرن و لێکتێگەهشتن و هەڤسۆزی و ئێکگرتنێ سەرهلددەت دناڤ کۆمەڵگەهاندا. وەرگرتنا تابلوێ دەوڵەمەند یێ هەمەجۆریا مرۆڤایەتیێ و رێزگرتن ل کەرامەت و بەهایێن هەمی تاکێن کومەڵگەهێ، ئەم دشێن بکەینە پرەک دناڤبەرا وان دابەشبوونادا داکو مە بەرەف پاشەڕۆژەکا گەشتر و گشتگیرتر ببەت.