ئەڤرۆ ڕۆژا پێنجشەمبی، ١٥ی چرییا ئێکێ یا ٢٠٢٦ێ، ب ئامادەبوون و سەرپەرشتیا د. عەلی تەتەر، پارێزگارێ دهۆکێ، لژنا ئاڤاهییێن بلند و تاوەرێن بازرگانی و پڕۆژەیێن ئاکنجیبوونێ کۆمبوونەکا تایبەت ب مەبەستا خزمەتکرنا بەرژەوەندیا گشتی ئەنجام دا.
د کۆمبوونێدا، کو ب ئامادەبوونا ئەندامێن لژنێ پێکهاتبوو ژ دەڤەردارێ دهۆکێ و ڕێڤەبەرێن گشتی یێن وەبەرهێنان، باژێرڤانی، پەروەردە، کەهربا، هاتنووچۆن، بەرگرییا شارستانی، نەخشەدانان، ئاڤەدانکرن و سولینێ، پارێزگارێ دهۆکێ ژ نێزیک گوھداری و دووڤچوون بۆ کارۆبارێن لایەنێن پەیوەندیدار، ڕێکخستنا کاران، و هەڵسەنگاندن و دیراسەکرنا داخوازیێن وەبەرهێنەر و هەوڵاتیان کر.
پاشان، پارێزگارێ دهۆکێ ئەندامێن لژنێ ڕاسپاردن کو د ئاڤەدانکرنا ئاڤاهیاندا ب تەمامی پابەندی ڕێنماییێن یاسایی و ستانداردێن جیهانی ببن. هەروەسا جەخت ل سەر دابینکرنا خزمەتگوزارییان، جێبەجێکرنا مەرجێن سلامەتییا گشتی، پاراستنا ژینگه‌هێ، و دووڤچوونا بەردەوام بۆ کارێ نڤیسینگەیێن “ڕاوێژکاری – ئەندازیاری” کرایەوە.