نەخۆشی چەوری جگەر، یەکێکە لە نەخۆشییە باوەکان لەجیهاندا و کۆمەڵێک نیشانەی هەیە، لەگەڵ ئەوەشدا چەند خۆراکێک سوودی بۆ سووتانی چەوری جگەر هەیە.
نەخۆشی چەوری جگەر، بریتییە لە کۆبوونەوەی چەوری زیادە لە خانەکانی جگەردا، بەشێوەیەکی گشتی ئاساییە جگەر هەندێک چەوری تێدا بێت، بەڵام ئەگەر لە ڕێژەی ئاسایی زیاتر بوو، ئەوا دەبێتە هۆی توشبوون بە نەخۆشییەکە و زیان بە جەستە دەگەیەنێت.
نیشانەکانی توشبوون بە نەخۆشی چەوری جگەر بریتیین لە، قەڵەوی، بەرزبوونەوەی پەستانی خوێن، بەرزبوونەوەی کۆلیستڕۆڵ، لەدەستدانی ئارەزووی خواردن، ماندوێتی و دڵتێکەڵهاتن.
هەندێک خواردن بۆ سووتانی چەوری جگەر گرنگن لەوانە، چای سەوز، زەنجەفیل، سندی، قاوەی تاڵ، چەوەندەر، سیر، ئاڤۆکادۆ، خواردنە دەریاییەکان و سەوزەواتەکان.