بەپێی چەند لێكۆڵینەوەیەكی نوێ دەركەوتووە بوونی ڤیتامین D لەجەستەی مرۆڤ بەرێژەیەكی زۆر دەبێتە هۆی كەمبوونەوەی مەترسی تووشبوون بەنەخۆشی شەكرە و ئەو ڤیتامینە خانەلەناوچووەكانی دڵ چاك دەكاتەوە.
ئاوێنە، راگەیاندنی تەندروستی سلێمانی: لەوبارەیەوە دكتۆر سو پارك لەزانكۆی سیئۆلی نیشتمانی لەكۆریای باشوور و سەرۆكی تیمی لێكۆڵینەوەكە ووتی: ئەو كەسانەی رێژەی ڤیتامین D لەجەستەیاندا زیاترە مەترسی تووشبوونیان بەشەكرە پێنج هێندە كەمترە.
پسپۆڕان لە لێكۆڵینەوەكەیاندا ئاماژەیان بەوەكرد رێژەی ڤیتامین D لەخوێندا نابێت لە 10 نانۆگرام لەملیمەترێكدا كەمتر بێت لای كەسانی پێگەیشتوو.
لەلایەكی دیكەوە بەپێی لێكۆڵینەوەیەكی دیكە لەزانكۆی ئۆهایۆی ئەمریكی دەركەوتووە ڤیتامین D چارەسەرێكی بەسوودە بۆ چاككردنەوەی خانە لەناوچووەكانی دڵ و هەروەها فشاری ناوخۆیی لەسەر دڵ و دەمارەكان كەم دەكاتەوە و دەبێتە هۆی كەمكردنەوەی تووشبوون بەجەڵتەی دڵ.