ئەندامی لیژنەی دارایی پەرلەمان موعین کاظمی، ئەمریکای تۆمەتبار کرد بە فشاری سیاسی و ئابووری لەسەر حکومەتی عێراق و بانکی ناوەندی و بانکەکان.
کاظمی بە شەفەق نیوزی گوت: “مووچەی ئەندامانی حەشدی شەعبی مانگانە لە رێگەی بانکی رافیدەین و کۆمپانیای کی کاردەوە دابەش دەکرا، بەڵام ئێستا فشاری زۆری ئەمریکی لەسەر بانک و کۆمپانیاکە هەیە، کە ئەمەش بووەتە هۆی سەرەکی ئەوەی دابەشکردنی مووچەکان ئاستەنگ بکات.”
کاظمی داوای لە دەستەی حەشدی شەعبی کرد کە کێشەکە بە شێوەیەکی کاتی چارەسەر بکات لە رێگەی پێکهێنانی لیژنەیەکی تایبەت بۆ ئامادەکردنی لیستێکی ناوەکانی ئەندامان و دابەشکردنی مووچەکان بە کاش، وەک ئامادەکارییەک بۆ دانانی پلانێک بۆ پەیوەندیکردن بە بانکە ناوخۆییەکان و دابەشکردنی مووچەکان بە شێوەیەکی ئەلیکترۆنی لە داهاتوودا.