لەگەڵ نزیکبوونەوەی ٣٠ی حوزەیران و کۆتایی هاتنی گرێبەستی زۆرێک لە یاریزانان، ڤۆجیچ چێسنی گۆڵپارێزی پۆڵەندی دۆخێکی سەیر لە نێو بەرشەلۆنەدا بەخۆیەوە دەبینێت. سەرەڕای ڕێککەوتنی پێشوەختە بۆ درێژکردنەوەی گرێبەستەکەی بۆ وەرزێکی دیکە، بەڵام تا ئێستا یانەکە هیچ ڕاگەیاندنێکی فەرمی و وێنەیەکی بەڵگەنامەیی گرێبەستەکەی بڵاونەکردووەتەوە.
سەرەڕای ئەو ناڕوونییە، ئیدارەی بەرشەلۆنە هیچ گومانێکیان لە بەردەوامی بوونی گۆڵپارێزەکە نییە. گرێبەستکردن بە فەرمی دەکرێت پرسێکی کاتی بێت، یان پێش ئەوەی تیپەکە لە 13ی تەمموزدا بگەڕێتەوە بۆ مەشق و ڕاهێنانەکان، یان لە چەند کاتژمێری داهاتوودا.
چێسنی دوای پێکانەکەی شتێگن پەیوەندی بە تیپەکەوە کرد و لە مانگی یەکەوە یاریزانێکی ئاساییە و سەقامگیرییەکی زۆر پێویستی بۆ هێڵی بەرگری دابینکردووە، بە لەبەرچاوگرتنی خواستی هانسی فلیکی ڕاهێنەر بۆ بەهێزکردنی ئەزموونی گۆڵپارێزی خۆی.