پێدەچێت هانسی فلیکی ڕاهێنەری ئەڵمانی هیچ کاتێکی بەفیڕۆ نەدات لە ئامادەکارییەکانی پێش وەرز لەگەڵ بەرشەلۆنە، چونکە بەرنامەیەکی ڕاهێنانی توندی داڕشتووە کە لە ڕۆژی یەکەمەوە توانای یاریزانەکانی تاقیدەکاتەوە.
بەگوێرەی ڕۆژنامەنووس خاڤی میگێل، فلیک بڕیاریداوە یاریزانەکان بخاتە ژێر راهێنانێکی توندەوە بەبێ ئەوەی یەک ڕۆژ پشوو بدەن. تیمەکە ڕۆژانە بۆ ماوەی حەوت ڕۆژ لەسەریەک ڕاهێنان دەکات.
ئەم پلانە ڕەنگدانەوەی توندی و دیسیپلینی فلیکە، هەروەها خواستی بەرزکردنەوەی ئاستی جەستەیی و تاکتیکی تیپەکە پێش دەستپێکردنی گەشتی ئاسیا، وەک ئامادەکارییەک بۆ دەستپێکردنی وەرزی ٢٠٢٥/٢٠٢٦.