پەرلەمانی عێراق شاندێک بۆ لێکۆڵینەوه له هێرشه درۆنییەکان رەوانەی هەرێمی کوردستان دەکات

لیژنەی ئاسایش و بەرگریی پەرلەمانی عێراق “لایەنێکی سێیەمی” تۆمەتبار کرد بەوەی لە پشت هێرشەکانی سەر دامەزراوە نەوتییەکانی هەرێمی کوردستانەوەن.

ئەندامی لیژنەکە، مەهدی تەقی ئەلئامرلی، بە شەفەقی راگەیاند، “لیژنەی ئاسایش و بەرگریی پەرلەمان بڕیاریداوە لیژنەیەکی دۆزینەوەی راستییەکان سەبارەت بە بەئامانجکردنی دامەزراوە نەوتییەکانی هەرێمی کوردستان پێکبهێنێت”. روونیشیکردەوە، “هەفتەی داهاتوو شاندێک لە لیژنەی ئاسایش و بەرگری سەردانی هەرێم دەکەن بۆ دیاریکردنی دۆخی رووداوەکە و ئەو دەستەی لەپشتەوەیەتی.”

ئاماژەی بەوەشکرد، “لایەنێکی سێیەم هەیە دەیەوێت دۆخەکە تێکبدات و کێشە لەنێوان حکومەتی فیدراڵی و هەرێمی کوردستان دروستبکات”، بە لەبەرچاوگرتنی ئەوەی کە ئەم لایەنە “هەوڵدەدات پەیوەندییە نێودەوڵەتییەکان بقۆزێتەوە بۆ شەرمەزارکردنی حکومەت.”