ئەمڕۆ پەرلەمانی عێراق دانیشتنی ئاسایی خۆی بە سەرۆکایەتی موحسین مەندەلاوی جێگری یەکەمی سەرۆکی پەرلەمانی عێراق ئەنجامدا و 172 پەرلەمانتار ئامادەبوون.
بەگوێرەی زانیارییەکان، پەرلەمان دەنگیدا بە زیادکردنی چەند بڕگەیەک بۆ کارنامەی دانیشتنەکە، دیارترینیان خوێندنەوەی دووەمی پڕۆژە یاسای حەشدی شەعبی بوو.
هەروەها دەنگدان لەسەر سەرۆک و ئەندامانی ئەنجومەنی خزمەتگوزاری فیدراڵی و سەرۆکی ئەنجومەنی دەوڵەت خرایە بەرنامەی کارەوە.
پەرلەمانتارانی بلۆکی کورد و سوننە وەک ناڕەزایەتی بە دانانی خوێندنەوەی دووەمی یاسای حەشدی شەعبی، هۆڵی پەرلەمانیان بەجێهێشت.