کەسکین بایندر دەڵێت، کورد لە ڕۆژهەڵاتی ناوەڕاستدا ڕۆڵێکی گرنگی هەیە و پەکەکە بە سووتاندنی چەکەکانی پەیامێکی گرنگی داوەتە ناوچەکە و جیهان.
کەسکین بایندر، هاوسەرۆکی پارتی هەرێمە دیموکراتیکەکان (دەبەپە)، لە شاری مێردین بەشداریی لە کۆنگرەی کۆمەڵەی کەسوکاری ونبوواندا کرد و ڕایگەیاند، گەلی کورد ئێستا زۆر لە بەدەستهێنانی ستاتۆ نزیک بووەتەوە.
بایندر گوتی: «خەبات بەرانبەر بە ئینکار و لەناوبردن گەیشتووەتە قۆناغێکی نوێ و کورد ئێستا لە جاران زیاتر لە بەدەستهێنانی ستاتۆ نزیکە.»
ناوبراو جەختی لەوەش کردەوە کە بانگەوازیان بۆ ئاشتی و دیموکراسی لە لاوازییانەوە نییە و گوتی: «لەم پرۆسەیەدا هاوپەیمانیی کوردان، یەکێتی و پێکەوەبوون دروست دەکەین.»