وەزارەتی سامانە سروشتییەکانی حکومەتی هەرێمی کوردستان لەگەڵ وەزارەتی نەوتی عێراق رێککەوتن لەسەر دەستپێکردنەوەی هەناردەکردنی نەوتی خاوی هەرێم لەژێر میکانیزمێکی تایبەتدا.
بەگوێرەی ئەو زانیارییەکان، لە رێککەوتنەکەدا هاتووە کە هەناردەکردن بە پشتبەستن بە بەرهەمی رۆژانەی کێڵگەکان دەبێت و 50 هەزار بەرمیل بۆ دابینکردنی پێداویستییە ناوخۆییەکانی هەرێم تەرخانکراوە. ئەو بڕەی دەمێنێتەوە دەگەیەنرێتە کۆمپانیای سۆمۆ.
هەروەها زانیارییەکان ئاماژەیان بەوە کردووە، رەشنووسی رێککەوتنێک لەلایەن شاندێکی وەزارەتی نەوتی فیدراڵی و شاندێکی وەزارەتی سامانە سروشتییەکانی حکومەتی هەرێم واژۆ کراوە، کە پشتڕاستی کردووەتەوە و شاندی فیدراڵی گەڕاوەتەوە بەغدا.
بەگوێرەی زانیارییەکان، دەستپێکردنەوەی هەناردەکردن پێویستی بە دانوستان هەیە لەنێوان حکومەتی فیدراڵی و حکومەتی تورکیا پێش ئەوەی پرۆسەکە جێبەجێ بکرێت.