مەکتەبی سیاسیی پارتی دیموکراتی کوردستان سەرەخۆشی لە خانەوادە و کەسوکاری (ڕاست نووری شاوەیس) کرد.
ئەمەش دەقی پرسەنامەکەیە:
بە داخ و پەژارەیەکی زۆرەوە هەواڵی کۆچی دوایی کەسایەتی تێکۆشەر و ماندوونەناس، خوالێخۆشبوو(ڕاست نووری شاوەیس)مان بیست، بە خەمناکییەوە پرسەو سەرەخۆشی لە خۆمان و خانەوادە و کەسوکاری خوالێخۆشبوو و بنەماڵە تێکۆشەرەکەیان و هەڤاڵانی پارتیمان دەکەین.
هەڤاڵی خوالێخۆشبوو کەسایەتییەکی ناسراو و کادیرێکی دێرین و سیاسەتمەدارێکی دڵسۆز بووە، لە قۆناخەکانی خەباتی ڕزگاریخوازیمانداڕۆڵی شیاو و دڵسۆزانەی خۆی گێڕاوە و کەسایەتییەکی دیار و نیشتیمانپەروەر بووە.
دوای راپەڕینی گەلەکەمان و دامەزراندنی حکومەتی هەرێمی کوردستان، پێگەی دیاری هەبووە و لە کارو لێپرسراویەتی حزبی و حکومی بەوپەڕی دڵسۆزییەوە ڕۆڵی خۆی بینیوە، لەوانە ئەندامی پێشووی مەکتەبی سیاسی و وەزیری ئاوەدانکردنەوە و نیشتەجێکردن و باڵیۆزی عیراق لە تونس بووە.
دووبارە بە ناوی خۆمان و هەڤاڵانی کۆمیتەی ناوەندی پارتیمان پرسەو سەرەخۆشی خۆمان دووپات دەکەینەوە و ئومێدەوارین خانەوادەی تێکۆشەری خوالێخۆشبوو(ڕاست نووری شاوەیس) لە خەم و کۆستی دیکە بە دوور بن و لە خوای گەورە داواکارین رۆحی پاکی هەڤاڵی کۆچکردوومان بە بە هەشتی بەرین شاد بکات.
مەکتەبی سیاسیی پارتی دیموکراتی کوردستان
۷ی ئەیلوولی ٢٠٢٥