رێباز حەملان، راوێژکاری سەرۆکی حکوومەتی هەرێمی کوردستان دەڵێت، رەشنووسێک ئاماده کراوه ئەگەر دەنگی پێبدرێت مووچەی مانگەکانی دیکه دەنێردرێت.
رێباز حەملان له لێدوانێکی رۆژنامەوانیدا رایگەیاند، “کۆبوونەوەیەکی له وەزارەتی دارایی عێراق کراوه و رەشنووسێک ئاماده کراوه که تێیدا پێشنیار کراوه ئەو داهاتانەی بەپێی یاسای هەرێمی کوردستان بەدەست دێت بۆ هەرێمی کوردستان بێت و داهاته فیدراڵییەکان پەنجا به پەنجا بێت.
رێباز حەملان گوتی: رەشنووسەکه ئامادەیه و سبەی له کۆبوونەوەی ئەنجومەنی وەزیرانی عێراق دەخرێتەڕوو.
رێباز حەملان ئاشکراشی کرد: مووچەی مانگەکانی دیکه لەسەر رێککەوتنەکه وەستاوه و سبەی له کۆبوونەوەی ئەنجومەنی وەزیرانی عێراق دەنگی لەسەر بدرێت مووچەی مانگەکانی دیکه دەنێردرێت.
راشیگەیاند: لێکنزیکبوونەوەیەکی باش هەیه.