یانەی مانچێستەر یونایتدی ئینگلیزی بڕیاری خۆی داوە لەسەر ڕۆبن ئامۆریمی ڕاهێنەری یانەکەی و بە گوێرەی دەیڵی مەیلی بەریتانی بێت ئامۆریم لە ڕاهێنەراتی یانەکە دەمێنێتەوە ئەمەش دوای ئەوەی کارگێڕی یانەکە پێیان وایە دەتوانێت گۆڕانگاری بکات لە تیپەکە.
میدیا پرتوگالیەکانش لەلایەکی ترەوە هەرایەکی گەورە دەنێنەوە لەسەر ڕۆبن ئامۆریم و دەڵێن نزیکە لەیانەیەکی پرتوگالی بۆ وەرگرتنی ئەرکی ڕاهێنەرایەتی بەڵام تاکو ئێستا ناوی یانەکەیان ئاشکرا نەکردوە و لەلایەکی تریشەوە ئامۆریم کەوتۆتە ژێر فشارێکی زۆری یانەی مان یونایتد بەهۆ ئەنجامە خراپەکانی.
مان یونایتد ئەم دەسپێکەی لەم وەرزەدا دەبێتە خراپترین دەسپێک لەدوای وەرزی 1992-1993،کە ئەم وەرزە لەکۆی 4 یاری تەنها چوار خاڵی کۆکردۆتەوە و دوو یاری دۆڕاندوە و بردنەوە و یەکسانبوونێکی هەیە و پلەی 14ـی ڕیزبەندی پریمەرلیگی گرتووە.
“سەرکار ڕێبوار”